琴日放學,突發一件老師鬧人事件,本來以為今天已經會告一段落,但是,估唔到今天等住我地既係精神折磨的兩堂中化課。
今日個老師叫我地用『情與中國文化』同『中國的傳統社會』兩課書來分析琴日果個同學做咩要弄污糟張教師枱,其實只不過是飯盒既汁滴到少少姐… (老師呀,洗唔洗小事化大呀?)
兩堂中化,好似上左成年堂咁,被點名既人,要用課文去分析果個同學既行為,我們就好似一定要講果個同學壞話咁,老師都淨係關注係講佢既錯,其實他果陣已經有即刻出來認錯,琴日仲自己一個比佢罰清潔班房,他都冇咩怨言,其實佢好偉大。
今天呢兩堂,其實啲同學都唔想講佢壞話架,但係,冇邊個想比個老師鬧埋一份囉,可憐佢比人連珠炮轟,我諗呢次既事無疑會分化左男仔跟女仔,因為同學都被人叫起身講野,唉,真係冇人敢講個老師唔岩,除了啲男仔囉,包括我都係咁細膽,雖然我已經很婉轉咁講,但係我都好似講緊佢壞話咁,呢個時候我先知道,我真係好細膽,講野都唔開好婉轉咁表達我既想法,唉﹗無奈呀。
比佢疲勞轟炸之後,放學同兩個同學一齊,佢地改編左個廣告。
原版:
打波先黎落雨,唔通連個天都唔鍾意我。
唔洗咁喎,聽日一定好天既。
咦,你點知今日好天架。
唔知架,希望在明天呀嘛。
改版:
食完飯有菜汁,唔通連張枱都唔鍾意我。
唔知驚喎,聽日一定冇事既。
咦,你點知今日唔會滴到架。
因為,今日叫左炒飯囉。
下,咁咪有飯粒囉!
中7短片既其中一場打算咁拍(雖然係冇可能)
我地一班人:你冇野呀!
老師:(細聲講)我冇事。
哈哈,just for fun。
其實呢件事都係小事,都唔知點解個老師會咁,雖然佢脾氣係古怪d,但係都唔洗咁下話。希望我地班,唔會變得更唔團結啦…
No comments:
Post a Comment