June 6, 2009

HEYHEY...TIME FLIES...

09年第一個月過得很快

聖誕後遺症延續至一月四日
三四號基本上係到趕功課
真係好趕
一個計考試分既中文book report竟然係2日內完成
2日睇一本書仲要寫報告外加英文功課
哈哈...

一月五日同六日做緊咩?
懶係假期同考試中間既緩衝期咁囉
我就渾渾噩噩,channel未轉得返黎(或者從來都收唔到果個channel)

一月七日考中化
考完文化篇章傻傻地,以為直落考寫文,預備寫到手軟既時候,收到既竟然係閱讀,哈哈

一月八日 UE
話說呢次係我咁大個女叫做幾認真溫英文,因為以前不嬲覺得英文唔會有得溫。考完作文覺得好似幾好。P.SKILL一收到以為幾易點知PART 1 難到嘔。LIST 簡直愈聽愈O嘴,考完直情覺得UE死梗。

一月九日ECON
最想死既一科,最捉唔到佢條路既科。

係咪覺得考緊試既學生星期六日一定會好乖咁咪星期一考既科呢
係既,我係咪緊書,不過我咪緊TWILIGHT
最後星期一科地理我溫左一個鐘多D
SO 考完都知自己死硬

一月十三日基於就黎考完太HAPPY
UE卷似乎做得幾順心
中化LIST不過不失
或者係因為前面死得太慘,後面已經唔理佢

一月十四日最後一份卷PA
曾經最厲害既一份卷
或者自己份爭勝心冇左,又或者自己已經比以前緃慣,又或者只係因為我懶
PA冇溫過就膽粗粗走去考,考天才,考記性,哈哈

一月十五日
個人覺得宜家既中化題目真係層出不窮
香港特區政府?2009?我的禁忌?黑與白?個性與反叛?
哈哈,咩都有

一月十六日
UE ORAL
唉,個人短講,仲要係英文呢隻
我真係合格都偷笑

歷時八日既考試完成
YEAH~!

一月二十日&二十一日
對卷日
嗯...大致上我係處於想死又唔想死既狀態
想死係希望自己會有個教訓
唔想死係因為呢個教訓真係會好大
well... after all 死唔去。

一月二十二日
梅窩旅行日
唉,真係悶到抽筋

一月二十三日
海下灣大日子
朝早係lecture theatre睇一套狂係到殺人既戲
坐車去海下灣既旅程簡直想死
個胃就黎反出黎咁,幾經辛苦先控制到自己唔好嘔
海下灣既空氣幾好,係幾塊大石上面行黎行去真係第一次,亦証明左自己超細膽
Don't be a coward any more! Be brave girl!
但是這天令我感覺到,我的朋友都很愛我,I LOVE U GIRLS

一月二十四日
新年假開始了
今年新年氣氛欠缺
拜年活動初一基本上完結

一月二十八日
終於TWILIGHT 啃完
一個月睇左四本二次定三次會唔會過份左D?
WELL...不過終於瘋狂完,at least that's a good news.

一月二十九日
VIVIENNE WESTWOO 既展覽真的大開眼界。
她一生追求的時裝理念很特別
雖然她設計的衣物,很多都和普通的不一樣,因為她們是特別的
在她的VIDEO中有一句話好正,內容大約是
有的人說她的設計太過於誇張,不能穿,但她說
『我認為現在市面上的衣服大約有90%都不能穿,因為它們那粗劣的布料』
噢,真的太正
雖然我不能完全理解她的設計
但她的那種希望女性穿上她的衣服後會變後很美的心
真的是一種確實為人而設計的心,而不是為設計而設計的心
她還說,希望人們穿她的設計讚美的是那個人穿上後有多麼的美麗,而不希望人們說她穿的是VIVIENNE WESTWOOD

一月三十日
gossip girl第一季睇完
對於他們"多姿多彩"既生活真係不敢恭維
胡作非為唔岩我,或者低調一點,安受本份才是對的吧。
對於一些不應該屬於自己的東西,就不要強求吧。
但,無論對於誰,友情都是最珍貴的。

一月三十一日
病到傻,琴晚先知我食左一樽過左期既感冒藥
今日去左買一定冇過期既感冒茶
補經濟
近距離的個半小時實在太令人難以集中
失魂症持續
係距離屋企一條街既位置
失左魂既我係紅燈既時候行出左馬路
幸運的是架車呠左我而唔係殺左我
人生實在太容易完結
行出街,夠彊既係好多車既時候行出馬路
生命完結既同時你都可以帶比其他人一個驚嚇既一幕
生命太脆弱了,人生亦很短暫
似乎我的人生在這一次與死神既近距離接觸提醒了我
『我的生命正在一分一秒中流逝,永遠不知道自己的死亡會何時降臨。
 究竟這一生所做的事,是虛度光陰還是實在而充實?
 我活了十七年半,有意義的是什麼?我能把他們當作回憶的又有多少?
 幸好我還沒有到十八歲才知道,我還有5個月又19天。
 不過年齡不是問題,十八歲是一個很大的轉變嗎?
 過的精彩才是我現在起的目標,雖然記憶會流逝,會模糊。
 但我要的是我這一刻過的精彩。
 好吧,來彌補我十七年來胡鬧的人生吧,這一刻開始,我要活的精彩。』

No comments:

Post a Comment